Գիտական ուղղությունները`

• Հայ փիլիսոփայության և գեղագիտական մտքի պատմություն,
• Տեսական փիլիսոփայություն, գիտության տրամաբանություն և մեթոդաբանություն,
• Սոցիոլոգիա և քաղաքագիտություն` սոցիալական փոխակերպումների հիմնախնդիրները Հայաստանում, բնակչության միգրացիայի և քաղաքական օտարման հիմնախնդիրներ, աշխարհաքաղաքական իրավիճակը տարածաշրջանում,
• Հայ իրավունքի տեսություն և պատմություն, իրավունքի տեսության ֆենոմենոլոգիական հիմքեր, իրավունքի և անվտանգության փոխհարաբերության հիմնախնդիրներ:

Հիմնական արդյունքներ`

• Հայ փիլիսոփայական ժառանգության և գեղագիտական մտքի ուսումնասիրության գիտական դպրոցի հիմնադրում (“Հայոց փիլիսոփայության պատմություն” հիմնարար մենագրության և անցյալի ականավոր հայ իմաստասերների փիլիսոփայական հայացքներին նվիրված մենագրությունների մի ամբողջ շարքի հրատարակում, “Вопросы теории и истории эстетики” մենագրության և “Հայ մշակույթի գործիչները արվեստի մասին” մատենաշարի հրատարակում):
• Իմացաբանության ավանդական ընդհանուր խնդրից դեպի տրամաբանության, գիտության փիլիսոփայության և մեթոդաբանության ոլորտ անցման փիլիսոփայական հայեցակարգի մշակում, “Философия. История. Культура.” աշխատության տպագրություն, “От логических атомов к физическим законам”, “LMP fundamental theory” գրքերի տպագրություն, գերմանացի հանրահայտ փիլիսոփա Ի. Կանտի դասական աշխատության “Զուտ բանականության քննադատություն” հայերեն թարգմանություն և հրատարակում:
• Ժամանակակից հայ հասարակության սոցիալ-քաղաքական հիմնախնդիրների ուսումնասիրում և նրա հետագա արդիականացման համար ազգային մոդելների և ռազմավարության մշակում: Հրատարակվել են մենագրություններ և գրքեր ինչպես հանրապետությունում, այնպես էլ արտերկրում`“Армянское общество в трансформации”, “Современное армянское общество. Особенности трансформации”, “Հայ հասարակությունը 21-րդ դարասկզբին”, “Հայաստան. օտարացած հասարակություն”, “Armenian Society in Transition”, “Out-migration from Armenia – in Transboundary Migration in the Post-Soviet Space”, “One Nation – Three Sub-Ethnic Groups”, “Ղարաբաղյան ազատամարտը հայոց քաղաքական գիտակցության մեջ”, “Նոր աշխարհակարգը և Հայաստանը”, “Իշխանություն և ընդդիմություն. քաղաքական խոսույթի վերլուծություն”, “Տեղեկատվական հասարակություն. սոցիալ-քաղաքական հիմնախնդիրներ”, “Քաղաքական մշակույթի առանձնահատկությունները Հայաստանում ”:
• Ազգային օրենսդրության և իրավակիրառման պրակտիկայի հիմնախնդիրների, ինչպես նաև` իրավունքի և հայ իրավական մտքի պատմության տեսական հիմնախնդիրների ուսումնասիրություն: Տպագրվել են մենագրություններ և գրքեր “Միջնադարյան հայ իրավունքը և իրավաքաղաքական միտքը (X–XIII դդ)”, “Իրավունքի տեսության և պատմության հիմնահարցեր”, “Իրավունքի տեսության հիմնահարցեր. ֆենոմենոլոգիական մոտեցում”, “Նոր իրավաըմբռնման անհրաժեշտությունը”, “Արդարադատության հարցեր”, “Իրավունք և հանցագործություն”: